الناس مشحرّة
الطرقات مسكرة
والعالم بالساحات
بتنادي ثورة ثورة
عاحكومة قلبا مات
لا بتسمع، ولا بتقشع
عم تسرق دولارات
الناس بلا وظايف
قرفانة من الطوايف
حكم المصرف طفرهم
هربهم عالساحات
الحكومة بتكره شعبا
ما بتعرف دينا وربنا
أوعا توقف عدربا
بتبيعك خردوات
سرقوا منا ميتنا
سرقوا حتى زبالتنا
هانونا بكرامتنا
حرقوا دين الأموات
حكومة نصب وتعتير
ومجلس مثل الدكانة
بيمضيلا عالعميانة
تا يقبض عمولات
بحبو يبهدلونا
بحبو يشرشحونا
وتيابنا شلحونا
تا يضلو خواجات
لكن نحنا تمردنا
لعنّا حكم الطوايف
واستعباد المصارف
ونزلنا عالساحات
بدنا حكومة مدنية
المواطن اسمو خيي
وبلدنا هي هي
منارة حضارات
ما نقبل يبقى فيها
فساد وحرامية
بدنا نحاسبن كلن
ونرجع السرقات
ثورتنا ثورة حرة
مَنّا جايي من برة
بدنا دولة مدنية
دولة بلا طوايف
حكومتا من الساحات
محمد إقبال حرب
مدونة بألوان المشاعر الانسانية 